Абайша

Мəз болады қазекең
Арқаға орыс қаққанға.
Шікірейген шегір көз
Шен-шекпенін жапқанға.
Қарауылға қалқайған
Қаңылтырын таққанға.
Іздегенге сұраған
Бірін-бірі тапқанға!
«Қаңғып келген шүрегей...»
Қас-қабағын баққанға.
Шала байға Шалапай
Шаң жұқтырмай жаққанға.
Майдай еріп мақтанға,
Малынғанға мақпалға.
Таң атқанша таусылмай,
Тау суындай аққанға!
...Өткен-кеткен хал сұрап,
Түсіп қалып қақпанға,
Қасқырдайын қансырап,
Өлімші боп жатқанға!..