Хабарымды ел емес, жел біледі

Хабарымды ел емес, жел біледі,
Секемшілді сезіксіз сендіреді.
Құба жоннан асырып қу дүние,
Желмаяның өзін де желдіреді!
Хабарымды жел емес, ел біледі,
Жер түбіне жерік ас ендіреді.
Жегілердің айналып жемтігіне
Серілердің қатары селдіреді.
Хабарымды білмейді ел де, жел де!
Келе қояр жайым жоқ «кел» дегенге
Өлең құрлы бəсім бар, бұлдағанға,
Емен құрлы жасым бар кем дегенде!

---