Өлең, жыр, ақындар

Қамшы

  • 23.07.2021
  • 0
  • 0
  • 802
Араны көріп тұрып гүлді кезген
Қарадым қазағыма мұңды көзбен:
«Құдайдың ен даласын жайлап жатқан
Сен қашан ел боласың бұл мінезбен?»
Икемдеп илеуіне қырманжайды
Тынымсыз Құмырсқа да тырбаңдайды.
Ұйыққа милығынан батқан аттай
Ұйқысы «ұлы жұрттың» бір қанбайды.
Жатқан соң күн тізбегі парақталмай,
Тағынан түнді қуып Таң атқандай!
Қоңыз да қоңыз екеш,
Дөңге қарай
Жер шарын дөңгелетіп баратқандай!..
Бақ қонған барқыт мекен, баршын жайда
Қамсеміз қара терге малшынбай ма?
Киесі қараша үйдің, қайран Баба,
Иесі игіліктің – Қамшың қайда?!



Пікірлер (0)

Пікір қалдырыңыз

Көмескi тартқан шақта көңiл-айнам

  • 0
  • 0

Көмескi тартқан шақта көңiл-айнам,
Көрiктiм, таба аламын сенi қайдан?
Тəрк еткен Перiштедей пенде жұртын
Алыстап кетесiң-ау сен де бiр күн…

Толық

Ғажапсың, Өмір, ғажапсың!

  • 0
  • 0

Ғажапсың, Өмір, ғажапсың!
Қайғыдан қалай азатсың?
Таңғы ауаңменен талдыршы,
Тамырда қаным таза ақсын.

Толық

Домбыра

  • 0
  • 0

Домбыра,
Жылатасың,
Жұбатасың...
Көңілді жардан, құздан құлатасың.

Толық