Өлең, жыр, ақындар

Қара мысық

  • 23.07.2021
  • 0
  • 0
  • 1371
Тағы өттің-ау алдымнан, қара мысық?
Сенен гөрі жақсы еді бала күшік.
Мен барғанша төрінде қу сайқалдың
Отырмасын бір сабаз шарап ішіп?..
Қараң қалғыр, қайдасың, тұйық көше?
Сүрінсем де құласам, иық төсе.
...Қоламтасын қоздырып,
Қозын кеулеп,
Қол бұлғасып, қоштасқам сүйіп кеше.
Қара мысық...
Не сездім?
Не бүлінді?
Есігінің ілмегі неге ілулі?
Терезеден телмірген қу басым-ай,
Ептеп-сүптеп жатқан кім Елігімді?
Қара мысық...
Қара түн...
Мылқау қала...
Жындануға болады,
Шырқауға да!..
Махаббат жоқ!
Мəйшат бар!
Мəйхана бар!
Сүймек, күймек, өртенбек – сылтау ғана.



Пікірлер (0)

Пікір қалдырыңыз

Өзiң жақтан келмедi-ау жылы хабар

  • 0
  • 0

Өзiң жақтан келмедi-ау жылы хабар,
Көшкен күннiң көңiлде мұңы қалар.
Жеттi ме екен түбiңе, кiм бiледi,
Жын жасырған iшiне Құмыралар…

Толық

Аямай-ақ қой мені, аямай-ақ

  • 1
  • 0

Аямай-ақ қой мені, аямай-ақ
Бірі екен деп ақынның жалаңаяқ.
Сенің құлқың – құныкер қу дүние,
Менің мүлкім – тар кепеш, табақ, аяқ...

Толық

Өмір, өтіп барасың қайрылмастан

  • 0
  • 0

Өмір, өтіп барасың қайрылмастан,
Өкпелідей заманға қайырым қашқан.
Жетегіңе ерем де жетімектей,
Етегіңе жармасам айрылмастан.

Толық

Қарап көріңіз