Өмір сұрақтары

Бұл өмір тұрады екен мың сұрақтан,
Жауапсыз сұрақтар да жетіп жатыр.
Бірі Алланың мейіріміне бөленем деп,
Бірі шексіз байлығына кенелем деп,
Маңдайына жазылған мың сынақтан,
Шалыс басып, қате түзеп, өтіп жатыр.
Өмір саған берілген күлімдеуге,
Бақыт сыйлап, пендеге "күнім" деуге,
Хақың да бар сынақтан сүрінбеуге.
Бірақ ойлан...
Өзгеге жақсылық жасай алмай,
Тек өсектен аузың да босай алмай,
Қалайша сынақтан өтесің?
Ойлаған мұратқа жетесің?
Одан да сен
Жүрегіңе төк нұрын мейірімнің,
Таразыла ақылдың иірімін,
Аллаға сен, шүкір ет, қанағат қыл,
Сезінерсің Алланың мейірімін