Қиялдағы бақытты күн – Темірхан Медетбек

Бұл бетте «Қиялдағы бақытты күн» атты Темірхан Медетбек жазған бақыт туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 14.06.2022
  • 0
  • 0
  • 1297
Бүгiн мен
Дүниеге симай
Шалқып тұрмын.
Қорғасындай ерiп,
Балқып тұрмын.
Бiр қолыммен
Сарыарқаның жонын сипап,
Бiр қолымды
Алатаудың иығына
Артып тұрмын.
Аспанға зорға сиып, –
Қанатыммен жел тұрғызып
Ұштым.
Атырауды көтерiп ап
Жуындым.
Балқашты көтерiп ап
Iштiм.
Аспанның шамдарын
Жерiме әкелiп
Жағып қойдым.
Ауыл мен қалаларымды
Орден мен медальдардай –
Жарқыратып! –
Даламның омырауына
Тағып қойдым.
Алтын Күн мен
Күмiс Ай
Бойыма нұрларын
Құйып тұрды.
Ақша бұлттар
Сүттей аппақ боп –
Дәл төбемде! –
Ұйып тұрды.


Пікірлер (0)

Пікір қалдырыңыз

Жиі қойылатын сұрақтар

Қиялдағы бақытты күн өлеңінің авторы кім?

Темірхан Медетбек — осы өлеңнің авторы.

Қиялдағы бақытты күн өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қиялдағы бақытты күн өлеңі не туралы?

Бұл шығарма бақыт туралы өлең ретінде танымал. Өлеңде автор өз ойын көркем түрде жеткізеді.

Қиялдағы бақытты күн өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері