Өлеңдер Бөлімі

Тарланым

  • admin
  • 24.11.2015
  • 0
  • 7
  • 42882
Таудан мұнартып ұшқан тарланым,
Саған ұсынсам қолым жетер ме,
Арызым айтсам өтер ме?
Арыстаным, көп болды - ау
Саған да менің арманым!
Кермиығым, кербезім!
Керіскідей шандозым.
Құландай ащы дауыстым!
Құлжадай айбар мүйіздім!
Қырмызыдай ажарлым!
Хиуадай базарлым!
Теңіздей терең ақылдым!
Тебіренбес ауыр мінездім!
Садағыңа сары жебені салдырған,
Садағының кірісін
Сары алтынға малдырған.
Тереңнен көзін ойдырған,
Сұр жебелі оғына
Тауықтың жүнін қойдырған.
Маңдайын сары сусар бөрік басқан,
Жауырынына күшіген жүнді оқ шанышқан.
Айқайласа белдік байлаған,
Астана жұртын айналған,
Астына тұрман болсам деп,
Жұртына құрбан болсам деп,
Адырнасын ала өгіздей мөңреткен;
Атқан оғы Еділ - Жайық тең өткен:
Атқанын қардай боратқан,
Көк шыбығын қанды ауыздай жалатқан,
Арыстан еді - ау Исатай!
Бұл фәнидің жүзінде
Арыстан одан кім өткен?!


Қылыштай қиғыр алмас ем

  • 0
  • 0

Қылыштай қиғыр алмас ем,
Шарға шауып мұқалдым.
Суаруы қанық көк сүңгі ем,
Сұғуын таппай тот алдым.

Толық

Арғымаққа айдай таға қақтырса

  • 1
  • 2

Арғымаққа айдай таға қақтырса,
Кілегей қатқан Еділдің
Көкше мұзынан таяр ма?
Ата ұлының баласы -

Толық

Ай астында бір көл бар

  • 0
  • 0

Ай астында бір көл бар,
Ат шаптырса жеткісіз.
Ортасында алуа, секер бар,
Татқан қулар кеткісіз.

Толық

Қарап көріңіз


Пікірлер (7)

кушты бырак ТАРЛАНЫМ деген такпактын аудиосы барма

бырак кушты екен

Акмаржан

Маган олен оку катты унайды

Kz

Пікірлерге қарасам , оларды сәби балалар жазған сияқты)

Айым

Арыстан еді - ау Исатай!

Madiar Zhamanbai

Өте керемет тамаша машаллах!
Админ қолың дерт көрмесін

Ариза Аширова

Өте керемет екен !

Пікір қалдырыңыз

×