Қысқы дала

Бұл бетте «Қысқы дала» атты Тұрсынхан Әбдірахманова жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 29.07.2021
  • 0
  • 0
  • 734
Арқанын мынау байтақ даласына
Япыр-ай, қарап көзің қанасын ба!
Қай мезгіл, қай бұрышын көрсең-дағы
Қаласың ғажайыптар арасында. 
Ол бүгін – киіп алған ақ халатын,
Дәрігер жан-жүрегіңді ақтаратын.
Бойында дарқандықтың жатыр бәрі
Еш мінің тұрпатына жоқ тағатын.
Дейтұғын «қайсар болсаң қасқар кәні»
Баршаға мінезі бар жастан кәні.
Ералы Орда таудың кәдуілгі
Алдына жайып алған дастарқаны.
Қой тастар төсіндегі – қалың жаяу
Өрмелеп бірде жіті, бірде баяу...
Бетінде қарлы дала сары көде –
Төгілген ақ қағазға сары бояу.
Қан сонар, ұзын, қысқа қатар сонар,
Қанжыға болса қанға батар сонар.
Ақ қарда «қаса сұлу шомылдырып».
Әккі аңшы қызық дәмін татар сонар.
Қаймықпас ешнәрседен жанары үркіп
Келеді құздан құлап әне бүркіт.
Ақ қарда қызыл түлкі – қызыл сағым,
Жөнелді жан ұшырып, алабұртып.
Ал достар, қызықтасаң міне сайран,
Айла мен күш белдесті, ашты майдан!
Көз алмай кербез дала келбетінен
Біз тұрмыз тамашалап, қалып қайран.


Пікірлер (0)

Пікір қалдырыңыз

Жиі қойылатын сұрақтар

Қысқы дала өлеңінің авторы кім?

Тұрсынхан Әбдірахманова — осы өлеңнің авторы.

Қысқы дала өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қысқы дала өлеңі не туралы?

Бұл шығарма табиғат туралы өлең ретінде танымал. Өлеңде автор өз ойын көркем түрде жеткізеді.

Қысқы дала өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері