Өлең, жыр, ақындар

Сегізінші март

  • 04.08.2021
  • 0
  • 0
  • 435
Сегізінші март —
мереке басы көктемгі
Тоғысқан ойлар
толыса жүріп көптенгі
Көк дөнен болып
көсіліп кетсе, кешірім,
Көгендей тізіп
бүгінгі менен өткенді.
Достарым, бұл күн
мен дара айтпан әйелді,
Қыздары біздей
атайсыз кәне қай елді?
Сегізінші март —
халықтық бүкіл мереке.
Айтуым артық
сөзіме өзге дәлелді.
Сегізінші март —
советтік елдің ұл-қызы
Жарыса ескен
жауқазын сынды қырмызы.
Сүйініп достар,
күйініп дұшпан қарайды,
Алдында әлем
биік тұр бақыт жұлдызы.
Сегізінші март —
төгілген шаттық жанардан.
Ғасыл боп мәңгі
сан жүректерде сан арман.
Жетпіс қыр асқан
кен-байтақ далам осынау
Ажары дағы,
адамы дағы жаңарған.
Сегізінші март —
алынған қиын өткелдер,
Сұрапыл жылда
бөгетті бұзып өткендер:
Мельникайтелер,
Әлия, Мәншүк, Зоялар...
Қаймыққан жауы
ұшқыны шоқтай от көздер,
Сегізінші март —
бейбіт таң атып, күн шығып..
Жеңіспен келген
бақ-талай, баршын тіршілік.
Жұлдызды қала,
КАМАЗдар, БАМдар, Байқоңыр,
Кіріскен келер
игі істерге құлшынып.
Сегізінші март —
адамға жігер, от беріп,
Қиялдар іс боп
қырандай қанат қақты ерік.
Ұлдары жүрсе
ғарышта айлар өткеріп,
Қыздары жерде
бесжылдықтарды бөктеріп...
Сегізінші март —
Советтік Отан ұл-қызы,
Жарыса өскен
қызғалдақ дерсің қырмызы.
Ойы мен ісі
бүкіл әлемге өнеге,
Биік түр оның
жақұттай жанып ЖҰЛДЫЗЫ.



Пікірлер (0)

Пікір қалдырыңыз

Абай айтқан жұмбақтың бірі менмін

  • 0
  • 0

Абай айтқан жұмбақтың бірі менмін,
Өзің білші, келмесе бұған сенгің.
Жұмбақ сырын ашатын «ұлылықтың»
Өзі жұмбаққа айналар мұны білгін.

Толық

Сұлулыққа құштар көп

  • 0
  • 0

Сұлулыққа құштар көп,
Айта алмаймыз неге деп.
Ең арысы гүлге ғой
Құштар ұшқан көбелек.

Толық

Ырысланға

  • 0
  • 0

Ырыслан, он сегізге жаңа толдың
Басында тұрсың өтер ұзақ жолдың. -.
Алдында талай асқар асулар тұр
Бағыты, бағдары бар оң мен солдың.

Толық

Қарап көріңіз

Басқа да жазбалар