Өлең, жыр, ақындар

Батырың өтті - Бөгенбай

  • 25.11.2015
  • 1
  • 7
  • 27483
Қазақтың ханы Абылай,
Абылай ханым, бұл қалай?
Ақиықты аспанға
Ұшпастай ғып торлады.
Құлағанға ұқсайды
Қазақтың қамал-қорғаны.
Қайғырмаңыз, ханзадам,
Айтпасыма болмады,
Батырың өтті - Бөгенбай!
Қиядан қиқу төгілсе,
Аттың басын тартпаған,
Қисапсыз қол көрінсе,
Қорқып жаудан қайтпаған,
Қазақ деген халқынан,
Батыр шыққан даңқынан,
Қарсыласқан асылдар
Қорғасындай балқыған,
Батырың өтті - Бөгенбай!
Бұтақты мүйіз бұғысы
Саласында жайылған,
Мылтық атқан мергені
Киігін қойдай қайырған,
Құланы құлындай тулаған,
Түлкісі иттей шулаған,
Қыс қыстайтын жеріңді
Аң етімен тау қылған,
Батырың өтті - Бөгенбай!
Асу салған тас бұзып
Тарбағатай белінен,
Қол қондырған қос тігіп
Бөрлі деген көлінен,
Қалмақты шапқан шулатып
Ақшәулінің өрінен,
Қоныс қылған найманға,
Бәрін қуып жерінен,
Батырың өтті - Бөгенбай!
Қаракерей Қабанбай,
Қанжығалы Бөгенбай,
Қаз дауысты Қазыбек,
Шақшақұлы Жәнібек -
Ормандай көп Орта жүз,
Сондан шыққан төрт тірек.
Тұғыр болған сол еді
Сіздей төре сұңқарға.
Бәйгелі жерде бақ болған
Сіздей жүйрік тұлпарға.
Қайғырмаңыз, ханзадам,
Келмей тұр аузым айтарға,
Батырың өтті - Бөгенбай!
Еңбек қылған ел үшін,
Жауда кеткен кек үшін,
Қазақтың абырой-арына
Сарп қылған бар күшін,
Қайыры болсын халқыңа,
Сабыр қыл, ойла келмесін,
Қарияң келіп жылап тұр
Еңбегі сіңген ер үшін,
Батырың өтті - Бөгенбай!



Пікірлер (7)

Қуаныш Еспенбет Маратұлы

Бұл жыраулар қазақ тарихында аты алтын əріппен жазылған атақты жыраулар.Бұл жыраулар тек қана өлең жазып қана қоймай,ерлік істеріменде көзге түскен дер.

Акмал

Бұл өлеңдер маған қатты ұнады.оларды əр бір қазақ баласы оқуы тиіс!?

Акмал

Бұл өлеңдер маған қатты ұнады оларды əр бір қазақ баласы оқуы тиіс!?

Рамазан Өтебай

Акын керемет суреттеген

Нурай

Маған Бұқар жыраудікі керек еді.

Уәлибек

Бұл жырды естіген Абылайдың эмоциясы қандай болды екен(бір жылап алдым)

Халима

Ен күшті оқыдық 2025 тен келдім

Пікір қалдырыңыз

Биік тауға жарасар

  • 0
  • 3

Биік тауға жарасар
Ығынан тиген панасы.
Терең сайға жарасар
Тобылғылы саласы.

Толық

Күллі әлемді қаратқан

  • 0
  • 1

Күллі әлемді қаратқан,
Ең алдымен Алланы айт.
Бойыңа жан таратқан
Аты жақсы Тәңірді айт.

Толық

Мінген атың арыса

  • 0
  • 1

Мінген атың арыса,
Көз көрім жер мұң болар.
Қара көзден нұр тайса,
Бір көруің зар болар.

Толық

Қарап көріңіз