Жұт пен жалғыз – Тұрсынхан Әбдірахманова

Адамды әуелде Алла жаратқанда
Жұп пен жалғыз еткен ғой қарап маңға
Ой түйсеңіз танисыз құдіретін
Ұқсап айқындалады таң атқанға.
Иық екеу қарашы басын жалғыз,
Аяқ-қолың екеуден, кеудең жалғыз.
Қозғаушысы әрекет істеріңнің,
Әміршісі махаббат жүрек жалғыз.
Мимен ойлап әрнені ұққандайсың,
Әр тұйықтан кілт тауып шыққандайсың.
Есіл-дертің сол болып, есің ауып,
Әмірімен жүректің жұп таңдайсың.
Жүрекке әмір жүрмейді соның үшін
Қалауым деп танисың оның ісін.
Жүректі Алла жаратқан жалғыз етіп
Әркім тандап өз жұбын алу үшін.