Өлең, жыр, ақындар

Неге, неге, негелер...

  • 08.08.2021
  • 0
  • 0
  • 420
Өмірге мынау құштарлық неге бұзылды?
Жас жігіттердің үміті неге үзілді?
Өзіне-өзі қол жұмсағандар көбейіп,
Ұлғайтып неге барады олар тізімді?
Қорланып намыс, тіс қайрап жүрген бір ісім
Атаның салтын, дәстүрін бұзып, үлгісін.
Ұлың нашақор, тауық қораны торыған,
Түлкіге ұқсап қонақүйлерде неге жүр қызың?
Үмітті жалғап, үнемі тәуір күй күттің,
Неліктен ғана осынау халге киліктің?
Ауруханалар лық толы ауру нәресте,
Өкпе құрт жайлаған қоғамнан қандай сый күттің
Сұрай берсем мен түгесілер ме негелер,
Рухани азып, құлдырай түсті неге ел?
Өртеніп орман, теңіз бен келде су құрып,
Ақбөкенінен айырылып болды неге жер?
Тағы да толған, жауапсыз қалған негелер,
Тұтқасы елдің болады деген не кемел
Ер мен әйелдің атқарар ісі ауысып,
Жаялық жуып, үйінде отыр неге ер?
Таусылар емес, таусылар емес негелер,
Бой ұрдық халық көсегесі деп көгерер.
Нарыққа көштік арықтап неге тұралап,
Барады осынау гүлденер өсіп деген ел?



Пікірлер (0)

Пікір қалдырыңыз

Уақыт өзі өңдейді

  • 0
  • 0

Бір тал ақ шаш жүр дедің бе сен маған?
Тиме, жаным, жасара алмас енді анаң.
Батар күннің еңкеюі тәрізді
Көрерсің сен енді менен әр ізді.

Толық

Бұйрық

  • 0
  • 0

Тән – мылқау,
ақыл – сылбыр,
көңіл – жүйрік,
Көз көріп, көп дүние ішке түйдік:

Толық

Май күні

  • 0
  • 0

Тамылжыған нұрға бөлеп даланы,
Торғын көктен күлімдеп күн қарады.
Әрбір үйдің шатырында қонақтап,
Ақ. көгершін қауырсынын тарады.

Толық

Қарап көріңіз