Бір күнде ел таныған ерке нар қыз – Тұрсынхан Әбдірахманова

Бір күнде ел таныған ерке нар қыз,
Әрине, бір қатармыз емес жалғыз.
Егіліп елдің қамын айтамыз деп,
Бұл күнде санатта жоқ, санда бармыз.
Кім айтар біз айтпасақ, халық мұңын,
Сен қырын келе берме жарықтығым,
Үнсіз болу бас шұлғу емес шығар,
Деген бар білдірмес бөрі арықтығын.
Жаңғырығы әлемді алған Желтоқсан,
Сенен соң да келелі іс көп ел тосқан.
Халық бүгін таңқалар іс жетерлік,
Кейде кейіп, кейбіріне қол соққан.
Тым қауіпті терең барсаң Мұра жақ,
Онан да өткен «ана жақ» пен «мына жақ»,
Ұлт пен тілдің билейтұғын тағдырын
Ой дүние-ай ұл тумапты-ау бұл қазақ...
Тырысайық құру үшін құқықты ел,
Төле би ғып заңгерлерге құқық бер.
Тағдырыңды тапсыр сеніп соларға
Ертең жүрер даңғыл жолын сол алда.
Әдет-ғұрпы, салты жоқ ұлт болмайды.
Ал бұларсыз елдік орны толмайды,
Заң тізгіні келімсекте сол қайғы
Бұл тәрізді іс Желтоқсанды қорлайды.