Өлең, жыр, ақындар

Жаз келді

  • 25.11.2015
  • 0
  • 4
  • 18353
Күн жылынып, қар да еріп дүрілдеп,
Сай-саладан сулар ағып, күрілдеп,
Ой мен қырда басқызбайды сар балшық.
Әлем-тапырық жердің беті іріңдеп.
Аспан жүзі ұшпалы бұлт сәуірдің
Жылы желі бетті сүйген тәуір күн.
Қыс қысылған көтерем мал жалғыздап,
Тұс-тұсынан шығып жатыр ауылдың.
Аунап-қунап ауасына сағынған,
Ызғар, суық ақ кебіннен арылған,
Ойдым-ойдым қара жерге көз ойнап,
Бәрі бірдей басын қойып жабылған.
Шаруалар да қуанышты күлімдеп
Ептеп өтті алты аяғы қыс күнім деп,
Балалар да лек-лек болып доп қуған,
Жалаң аяқ, жалаң бас жүр дірілдеп.
Мал да, адам да не бар жандық мәз болды,
Қатар түзеп, үйрек, аққу, қаз келді.
Жердің жүзін бейне ұжмақка теңейтін
Алақай, алақай-ау, жаз келді.



Пікірлер (4)

Б.Аяжан

тамаша

Қарақат

Маған ұнады өте керемет

Айгерм

Ой қандай керемет ! таппақ ал бізге сәттілк жарысқа кетті Жүсібек Аймоуытов тың шығармасы❤️‍ зоррр

ЖАНАБЕК

Маған ұнамады қыйынғо шешеші

Пікір қалдырыңыз

Оқу, білім

  • 0
  • 7

Оқу, білім - жанған шырақ, ойласаң.
Үйренерсің, іздеп көрсең, қоймасаң.
Қу өнерді, бу беліңді, жігер сал.
Пайда аларсың, қаужанарсың, тоймасаң.

Толық

Жаман тымақ

  • 1
  • 1

Ертегіде бір кедей,
Қара қасқа қу кедей.
Қатыны бар қаншырдай,
Үш ұлы бар қамшыдай.

Толық

Тұңғиық түпсіз астында

  • 1
  • 0

Су сабалап, суды тіліп,
Көк теңізде келе жатты бір кеме.
Бір мезгілде түсі суық
Бір қара бұлт көкке ойнақтап,

Толық

Қарап көріңіз