Тайквондист Медетке – Тұрсынхан Әбдірахманова

Қаршадай болып ұлтының
Намысын қорғап алысқан
Тайквондист Медет атадан
Дарабоз туған арыстан.
Чемпионаттарда әлемдік
Қара белдік үшін сайысып
Тоғыз жасында жұлдыз боп
Қараған күліп ғарыштан.
Корея, Германияда
Чемпионаттарға қатысып
Бірінші, екінші орын ап
Елінің даңқын асырған.
Бұдан соң үш жыл ішінде
Он мәрте жеңіске жетіп
Астана шаңырағына
Жеңістің туын шанышқан.
Он бір-ақ жаста жас ұлан
Батылдығыңа бас ұрам.
Ұлы жеңісің әлі алдында
Таймасын, бағың басыңнан.
Аналық батам бұл берген,
Дарабоз туған асыл жан
Естілсін даңқың келесі
Жиырма екінші ғасырдан.

25.09.2002 жыл.
Астана.