Жасай бер, әріптесім! – Тұрсынхан Әбдірахманова

Таппай ма әр кеудеден жыр ұясын,
Жыр сүйген жүрегіме нұр құйғасын.
Құттықтап мерейтойымен мен де келдім,
Қазақтың Сазгер ұлы Нұрғисасын.
Соққандай бар тұлғасын он мен күйден
Нұрғиса тәрізді сүй өнер сүйсең.
Қазақтың кен даласы — Сары жайлауы
Ән-күйін тала тыңдап басын иген.
Ақ басын ақ сәлде боп бұлт ораған,
Бойынан Алатаудың гүл бораған.
Жаңғырып ән-күйінен Нұрғисаның
Әлемге баурайынан жыр тараған.
Тау дерлік табысың бар, керім ісің,
Ән-күйді ерттеп мінген пері мүсін.
Қазақтың бақ-талайын аспандатып,
Жасай бер, әріптесім, елім үшін!