Абылайға

Абылай қойып атынды
Ырымдады-ау ата-анаң.
«Баталы құл арымас»,
Құр болма, балам, батадан.
Алла жебеп өзіңді,
Абылай бабаң қолдасын,
Бұл өмірде Сен, кіші Абылай,
Олқың, кемің болмасын,
Төрт құбылаң сай болсын,
Ұрпағың өсіп бай болсын,
Өмірің жарқын шуақты,
Ашық күн мен ай болсын.
Байлық мұрат емес деп,
Халық айтқан нақыл бар.
Азамат бол айтулы,
Тұла бойың тұнған ақыл, ар.
Ақылыңмен шығасың,
Кез келген киын тұйықтан.
Кемеңгерлік те келеді
Хан-қараны ұйытқан.
Түптеп теріп түйгенде
Жазмыштан бәрі — Алладан.
Елдің ұлы, ар құлы Адам болып қал, балам!

23.06.2003 жыл.

---