Құлагер – ғұмыр

Бұл бетте «Құлагер – ғұмыр» атты Ырысбек Дәбей жазған өмір туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 10.08.2021
  • 0
  • 0
  • 557
(Ілияс Жансүгіровке)

«Хұсни ғаламның құс жетпес...» қиыры,
Күңіренген көкжалдың көксеген үйірі…
Бөрілі байрағы желбіреп жол алды,
Оғлан ұланы Тәңірге сиынып.
Қара жол баяғы қалпында мүлгиді,
Тым ұзақ тартып ең шер толы бір күйді…
О, неге босады,
Даланың жүйкесі?
Кәрі жартас бетінен тамшылар сырғиды.
Тамшылар боялып жапырақ ніліне,
Түсімде ақсөңке сүйекке сүрінем...
«Самұрық ұя сап, балапан түлеткен,
Бәйтерек қалайша түбінен шіріген?».
Үркітті кімдерді
Ойыңның салмағы?..
Сол жылы өшкен шам ұзақ жыл жанбады.
Құлагер сүрінген далада мертігіп,
Ақсады аңдаусыз Алаштың арманы…
Жарасын жасырып жалайтын күн ұзақ,
Жаралы бөлтірік тау қарап ұлымақ.
… Далалар төсінде Құлагер – Қазақты,
Елестер қуады қолына құрық ап.


Пікірлер (0)

Пікір қалдырыңыз

Жиі қойылатын сұрақтар

Құлагер – ғұмыр өлеңінің авторы кім?

Ырысбек Дәбей — осы өлеңнің авторы.

Құлагер – ғұмыр өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Құлагер – ғұмыр өлеңі не туралы?

Бұл шығарма өмір туралы өлең ретінде танымал. Өлеңде автор өз ойын көркем түрде жеткізеді.

Құлагер – ғұмыр өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері