Өлең, жыр, ақындар

Литва

  • 13.08.2021
  • 0
  • 0
  • 568
Келеді жортып поезым,
Екпіндетіп бұлқына,
Алдымда Балтық теңізі,
Жағасында Литва.
Бұл жағаның халқын
Көруге кептен ынтыққам,
Білемін аздап тарихын
Гедимино, Витовтан
Балтықтың жайлап жағасын,
Шалғынды және суатты,
Орныққан село, қаласы,
Ел болыпты қуатты.
Төсін төсеп батыр ел,
Атылған жаудан оқтарға,
Берілмепті туған жер
Басқыншы, батыл тевтонға.
Баяғыда болыпты,
Бірақ, мұның бәрі де,
Бертінде ол зорықты
Таусылып қуат, әлі де.
Капиталшыл елдердің
Болып байғұс шылауы,
Қорлық-зорлық керген күн,
Үдеді еңіреу-жылауы...
Сол көз жасын құрғатты,
Тек советтік құрылыс.
Шаттық үнмен жырлатты
Жаңа дәуір, жаңа іс.
«Бейтаныс» болса кеше ол,
Отандас бүгін бауырым.
Жері маған туған жер,
Селосы туған ауылым.
Қалаларым қаласы,
Ортақпын ауа, суына.
Түр, түсіне қарашы,
Бейнелес туым туына.
Сондықтан іздеп келемін,
Көруге оны ынтыға...
Құшағын жайып қарсы алды,
Өз елім,— туған Литва!..

1950



Пікірлер (0)

Пікір қалдырыңыз

Жалшының зары

  • 0
  • 0

Күн ұзын, әрі ыстық сарша-тамыз,
Соғып тұр аңызғақ жел, жылы нағыз.
Шаршадық жұмыс қылып күні бойы,
Үстіне оның тағы оразамыз.

Толық

Туған халқыма

  • 0
  • 0

Әр уақыт амандаса келіп кетіп,
Жүргенде сый-құрметін, үнемі өтіп,
Өмірің және елдігің өсуіне
Жылдан-жыл күшейеді сенім бекіп.

Толық

Малшының мақтанышы

  • 0
  • 0

Мал!— Сен менің серігім едің жастан,
Сенің даусың — азаным құлақ ашқан,
Мен бесікте жатқанда, лақ пенен
Қозының арасында маңырасқан.

Толық