Өлең, жыр, ақындар

Ыстықкөл

  • 13.08.2021
  • 0
  • 0
  • 1158
Аалы Тоқамбаевтан

Айналасы асқар тау,
Жатады көлім мөлдіреп.
Бұйраланса толқындар
Жалында жүрек елбіреп,
Қанаттанып жырым да
Кетеді жайнап желбіреп.
Балдыр болып түбінде
Жатар ма едім, Ыстықкөл!..
Кеме болып белшеден
Батар ма едім, Ыстықкөл!..
Бал суыңды балықтай
Жұтар ма едім, Ыстықкөл!..
Тереңдеген сырыңды
Шешкім келеді, Ыстықкөл.
Қаздай қалқып суыңа
Түскім келеді, Ыстықкөл.
Тамшы суыңды таласып
Ішкім келеді, Ыстықкөл.
Жұпар шөптің бойында
Жүргім келеді, Ыстықкөл.
Сағат сайын сыңқылдап
Күлгім келеді, Ыстықкөл.
Толқын қылып өзімді
Үргім келеді, Ыстықкөл.
Қоймадағы кеніңді
Қазғым келеді, Ыстықкөл.
Қойныңда мәңгі бойымды
Жазғым келеді, Ыстықкөл.
Сыбырласқан сырыңнан
Наз үн келеді, Ыстықкөл.
Талай жасқа белгісіз
Барғасын-ау, Ыстықкөл.
Талай елді ұзатып
Салғансың-ау, Ыстықкөл.
Көрмей ғашық кісіге
Армансыз-ау, Ыстықкөл.
Маяк болып жарыңда
Тұрғым келеді, Ыстықкөл.
Жас баладай құшақтап
Сүйгім келеді, Ыстықкөл.
Міндетіңді бойыма
Үйгім келеді, Ыстықкөл.
Алыс кетсем жалтақтап
Көргім келеді, Ыстықкөл.
Жүрегімді қаласаң,
Бергім келеді, Ыстықкөл!
Сені қорғап, сен үшін
Өлгім келеді, Ыстықкөл.

1950



Пікірлер (0)

Пікір қалдырыңыз

ІІІ — Тың толғауы

  • 0
  • 0

Хатыңды, ақын інім, ерте оқып,
Пайдалы сөзін ойға алғам тоқып.
Беруге іле жауап, көп қағаздың
Отырдым арасында, жатқан қоқып.

Толық

Кегің кетпес, бауырым!

  • 0
  • 0

О, тағдыр, сен төндірдің
Басыма тағы ауыр күн.
Естірттің өлімін өндірдің,
Қайғысы қатты бауырдың!..

Толық

Егделік туралы

  • 0
  • 0

Көңілім де, денем де жас деп жүріп,
Егде тартып қалыппын абайсызда:
Мысалы, — жас шағымда ызғар, мұзға
Ұйықтай қалсам оянғам бойым жылып.

Толық

Қарап көріңіз