Өлең, жыр, ақындар

Жеңеше әні

  • 23.03.2019
  • 0
  • 0
  • 3818
Қайным, қайным, есіңде ме жеңешең?
Жүдеуші едің құрт, майымды жемесең.
Жақсы үмітті жоғалтқандай болушы ем,
Күніне бір «жеңешетай» демесең.
Қайным, қайным, бір соғып кет жеңгеңе
Сағынышым сияр емес кеудеме.
Ақ алжапқыш байлап берік беліме,
Қара шашым құндыздай боп төгіле.
Отырғанда сүттен қаймақ, айырып,
Әніме арнап қоса берем сені де.
Жақсы қайным, бір соғып кет жеңгеңе,
Сағынышым сияр емес кеудеме.
Айлар өтті, жылдар өтті - санаймын
Қайтып жатыр күткендері талайдың.
Келе жатқан алыстағы сен бе деп,
Ұзын жолға ұзақ аңсап қараймын.
Қайным, қайным, бір көрінші жеңгеңе,
Сағынышым сияр емес кеудеме.

1955



Пікірлер (0)

Пікір қалдырыңыз

Мұхамеджан Қаратаев

  • 0
  • 0

Тағдыр тәлкек етсе де сындырам деп,
Тақымыңа саламын қыл бұрау деп,
Сынбай қайтқан сабаздың біреуі осы,
Міндетімді өтеймін, тындырам деп.

Толық

Осы кім

  • 0
  • 0

Әжептәуір емес пе,
Қараңдаршы түсіне?
Ып-ыңғайлы - ақ кеңеске.
Жанасқыш - ақ кісіге.

Толық

Әке жыры

  • 0
  • 0

Көз тоқтатып бірінші рет
Қарады да ұлым маған,
Әнтек қана күлімсіреп,
Созып қалды қолын маған.

Толық

Қарап көріңіз