Әбділдә Тәжібаев

Почтальон жыры

Қазақша өлең мәтіні, өлең жолдары және толық нұсқасы.

23.03.2019
0
0
2638

Ұясынан шықты күн,
Мен де шықтым үйімнен.
Күн батқанша түспейді,
Сұр қапшығым иіннен.
Тапсырамын достарға
Қапшық толы хаттарды,
Таратамын достарға
Ыстық махаббаттарды.
Күн жөнелді кегімен,
Мен жөнелдім жеріммен.
Бойым әрең асады
Бұйра толқын егіннен.
Тапсырамын достарға
Қапшық толы хаттарды.
Таратамын достарға
Ыстық махаббаттарды.
Достар әнін естемін
Қызыл таудай қырманнан.
Асып ән-жыр барады
Ормандардан, қырлардан.
Тапсырамын достарға
Қапшық толы хаттарды.
Таратамын достарға
Ыстық, махаббаттарды.
Күн де шаршап батады,
Мен де аламын демімді.
Күнмен бірге шығамын
Қуантуға елімді.
Тапсырамын достарға
Қапшық, толы хаттарды.
Таратамын достарға
Ыстық махаббаттарды.

1955

хат Почтальон Әбділдә Тәжібаев почтальон жыры Әбділдә Тәжібаев өлеңдері

Пікірлер (0)

Пікір қалдырыңыз

Жиі қойылатын сұрақтар