Өлең, жыр, ақындар

Өз жемісің

  • 13.08.2021
  • 0
  • 0
  • 467
Партия!.. Қазақтың кең даласынан
Көтердің құнары мол талай тыңын.
Аналық мейіріммен, жаны ашыған,
Ұрықты сеуіп, күттің көрмей тыным.
Мол сепкен ұрықтарың шешек атып,
Жіберді сұр даланы гүлге бөлеп.
Мәуесі шырын балдай көрсең татып,
Отанға таусылмайтын болды қорек.
Мен де сол, саналуан жемістердің
Бірімін,— тақтың маған «ақын» атты.
Бойда бар асылымды саған бердім,
Меңгер де, қуатыңа қос қуатты!
Мен ғана емес мұны айтар ұлың,
Сөзі бұл ұл-қызыңның миллиондаған.
Әрдайым шаттықпенен қосып үнін,
Естірте бар әлемге шырқайды ән.
Отанның бес тармақты жұлдызының
Бірі боп, төріңнен біз алдық орын.
Партия!.. Тыңда, қазақ ұл-қызының
Қосыла, саған арнап айтқан хорын!..
Арымай, талмай, тоқтап тыным алмай,
Үздіксіз ерге тартсаң елің үшін,
Жолында, болып өскен дәмі балдай
Біз-дағы мақтанарлық өз жемісің,!

26. X. 1958 ж.



Пікірлер (0)

Пікір қалдырыңыз

Георгий Хайдинге

  • 0
  • 0

Бұдан екі жыл бұрын, Бурабайда,
Тау тамылжып, гүл шешек атқан майда,
Кездесіп бірнеше күн ойнап-күлдік,
Сайраннан басқа алаң болмай ойда.

Толық

Мұхтар Әуезовке

  • 0
  • 0

Ағасын, бойың пілдей, ойың гүлдей
Гүл бояуын, кілемге шеккен түрдей.
Сол гүліңді сұрапыл дауылдарда,
Қойған да жоқ, қыраулы салқын үрмей.

Толық

Алматының көшесі

  • 0
  • 0

Кей қалада, мысалы, Көкшетауда,
Тыныстауға, егер де, шықсаң тысқа:
Барар ең алаңдағы еккен бауға,
Ағашы әрі сирек, әрі қысқа.

Толық

Қарап көріңіз