Өлең, жыр, ақындар

Телефон күту

  • 12.09.2021
  • 0
  • 0
  • 354
Естен танды қиялым да,
Жайылмады қанаттарым.
Тілдеспейді ол бүгін маған,
Тезірек өт сағаттарым.

Сағыныштың шіркейлері,
Үймелейді көзіме кеп.
Жайламасын сүркей мені,
Тезірек өт, тезірек өт.

Жай қозғалар сағат тілі,
Жылдамдатса жүрістерін.
Минут тілі шыр айналса,
Тұрма секунд тыныш тегін.

Маған келе жатқан мұңды,
Орта жолдан кетіре сал.
Алпыс рет сыртылдамай,
Он екі рет секіре сал.

Тауысам ба жүрек сырын,
Отырсам да бірден жазып.
Өкпелетіп алдым білем,
Көңілі оның гүлден нәзік.

Биік еді назарымда,
Өркен жайған бәйтеректей.
Хабарласып қалар ма әлде,
Тұра тұрсаң қайтеді өтпей!



Пікірлер (0)

Пікір қалдырыңыз

Ішкі жалын

  • 0
  • 0

Мұңын, сырын, жан сезімін ақтарған,
Ақындарда арман бар ма жақ талған.
Өкпем менен бауырымды аяймын,
Ішімдегі жанған оққа қақталған.

Толық

Шешеме хат

  • 0
  • 0

Өмір бердің, бұрым бердің, бой бердің,
Жақсылармен бір жүрсін деп ой бердің.
Өрнек салып өтемін деп өлеңмен,
Түрлендіріп есін алдым сөйлемнің,

Толық

Сәскеде түскен сәулемін

  • 0
  • 0

Барып қайтамын ойменен,
Кешегі өткен күніңе.
Айналсам деймін кейде мен,
Көне таныстың біріне.

Толық

Қарап көріңіз