Ақша қар

Алматыға қалың түскен ақша қар,
Келдің бе сен Алтайдан?
Әжелердің ақ самайы секілді,
Бұл мекенді ойлай-ойлай қартайған.

Тапжылмастан туған жерді кұзеткен ,
Алтай тауым аман ба?
Ала тауға сәлем аитса ізетпен,
Тауды құшып тәмәмдә.

Пәктілікті құрбы жігіт, құрбы қыз,
Көріп қалсын өзіңнен.
Мына мекен аяқ алып жүргісіз,
Ылайланған сезімнен.

Көңілдегі өкпе назды шаң басқан,
Саған қағып кетірем.
Қарап тұрмын жанарымды алмастан,
Тұра тұршы өтінем!

---