Өлең, жыр, ақындар

Каспимен сырласу

  • 12.09.2021
  • 0
  • 0
  • 422
Каспи сені қаншама жыл аңсадым,
Бүрін сиға тартайыншы аршаның.
Көлдің шеті секілденіп көрінген,
Көлшіктерден сағым іздеп шаршадым!

Қоңыр самал қытықтайтын мойнымнан,
Елес болып артта қалды той-думан.
Кеткенннен соң өр алтаймен қоштасып,
Қолқам түсіп қалғандай боп қойнымнан.

Таң сәріде тереземнен күн күлген,
Шақтарымды бақытым деп жүрдім мен.
Алтай менен алатауға тоқтамай,
Саған келіп бататынын кім білген?!

Толқыныңнан тұрақ тапса ән-жырым,
Кермек суға кірпігімнен тамды мұң.
Жағаңдағы жел тербеген қайықтай,
Қалт-құлт еткен менің дағы тағдырым.

Ойларымдай өз-өзімен күресіп,
Жатыр толқын, жып-жылы леп тұр есіп.
Аяқ бауын үзе ұшқан ақ сезім,
Кете барды сағымыңа ілесіп.

Мұқиттан да сенің нарқың бағалы,
Аққу біткен саған қанат қағады.
Даласы мен пейілі кең қазаққа,
Көп теңіздің қажеті де шамалы.

Саған қарап шаршаған жан көз ілсін,
Тамшылардан теңіз болған төзімсің.
Еңсемді ең бійік ұситар мекенім,
Бір мен үшін жердің шеті өзіңсің!…



Пікірлер (0)

Пікір қалдырыңыз

Кетті бірге

  • 0
  • 0

Жолға аттандың тайпалтып сал күреңмен,
Лажсыз мендей орнында қалды бөлмең.
Қайта айланып білсем де келмесіңді,
Жақынырақ жаныма болды бөлмең.

Толық

Тербетеді бір әуен

  • 0
  • 0

Өкінбеймін осылай кетеріме,
Мынау жұртпен келе алмай ымыраға.
Шөлдемеймін сендік ой жетегінде,
Жармасады басқалар құмыраға.

Толық

Алма кезек

  • 0
  • 0

Жүрегіңді нәзік сезім тербеген,
Шақтарында түсінгім де келмеген.
Салқын сөзбен қайырғанмын артыңа,
Құлашыңды біздің жаққа сермеген.

Толық

Қарап көріңіз