Мағиза Құнапияқызы

Быйылғы көктем жай шықты

Бұл бетте «Быйылғы көктем жай шықты» атты Мағиза Құнапияқызы жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

13.09.2021
0
0
655

Қарлығаш қақты қанатын,
Сергіді менің көңілім.
Астында қардың қалатын,
Түледі байтақ өңірім.

Десе де дала сәл шытқыл,
Мамырдың айын аңсадым.
Қаламға үнсіз жармасқан,
Қалтырай берді саусағым.

Жайнатып мүлдем бау-бақты,
Сызатын сурет айшықты,
Отаудан шыққан серідей,
Быйылғы көктем жай шықты.

Қыраудан қалған әр үйдің,
Әйнектерінде шық тұрды.
Быйылғы көктем күттіріп,
Қымбатын солай ұқтырды.

Құстарға қостым әнімді,
Көңілден енді кетер мұң.
Шуақты әр бір таңымды,
Жырыма арқау етермін.

Мағиза Құнапияқызы көктем быйылғы көктем жай шықты Мағиза Құнапияқызы өлеңдері

Пікірлер (0)

Пікір қалдырыңыз

Жиі қойылатын сұрақтар