Мәңгілік жыр жазайық

Бірге жүрген күндердің,
Сағаттары жүйрік пе!
Әміріне жүректің,
Айта алмайсың билік те.

Сен қаймығып қаласың,
Мұңға бейім ой кешсем.
Кейде аң-таң боласың,
Өз –өзімнен сөйлесем.

Біздер жайлы сырлардың,
Қаймақтары бұзылмай.
Жүрген едік, қап қойды,
Көп өрнектер сызылмай.

Жирманың жылдары,
Бара жатыр азайып.
Қас-қағымдық сәттерден,
Мәңгілік жыр жазайық!