Айсұлу Рүстемова‎

Елеңдемеймін ешкімге

Бұл бетте «Елеңдемеймін ешкімге» атты Айсұлу Рүстемова‎ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

25.11.2015
0
0
2440

Елеңдемеймін ешкімге
Деймін бе? Бәлкім алдау бұл?
Бейтаныс мүлде кескінде
Күлкіңді сенің аңғардым.
Келістім кеткен мезгілмен.
Бейәлім нұрға малындым.
Қол қысып қана көз күлген
Жұмбақ бір сәтті сағындым.
Сені іздеп жолға шықпасам
Жібермей қойған жібі ардың.
Көңіліңді кірсіз ұқпасам
Түсінбей қалған шығармын.
Іздеймін жайлы үніңді,
Кеселге айналған кесене.
Қалдырды ойлар күлімді.
Күлімді көр де ...көсеме.
Ілініп кірпік күлем дер,
Асылған сәтте таң жарға.
Келердей іздеп біреулер
Қараймын кейде вокзалға...

Елеңдемеймін ешкімге Айсұлу Рүстемова‎ Айсұлу Рүстемова‎ өлеңдері

Пікірлер (0)

Пікір қалдырыңыз

Жиі қойылатын сұрақтар