Ұмытыппын

Бұл бетте «Ұмытыппын» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 14.09.2021
  • 0
  • 0
  • 802
Ұмытыппын...
Бәрі-бәрі өзгерген,
Өзіме жат көрінеді өз кеудем.
Жан-жағыма жаутаңдап бір қараймын,
Жолығам ба деп балалық кездермен.
Алғанмын ба уақытқа ұрлатып,
Қайда маған бұрылмаған бір бақыт?
Аспанымнан ағып түскен жұлдыздай
Өз жүрегім өз кеудеме тұр батып.
Туған жұртта ойға талай баттым көп,
Бір өзінше қиялымда бақ гүлдеп.
Жар басынан қарап тұрмын, Ақсудың
Толқынымен толқын болып аққым кеп...
Туған жұртта ойға баттым не түрлі,
Салқын самал сүйеді кеп бетімді.
Сарқылып көп сағыныштан Ақсуым,
Арнасынан аунап кеткен секілді...
Қалай еді жастығымның әуені,
Аңсағаны аласа емес, тау еді,
Сәлем берген жас баланы танимын,
Әкесінің атын сұрап әуелі...
Бір тамшы жас тұрып қалды көзімде,
Берілгенде берілмейтін сезімге.
Толқыныңа қарай бердім, талпынған
Балалығым жатыр ма деп өзіңде...


Пікірлер (0)

Пікір қалдырыңыз

Жиі қойылатын сұрақтар

Ұмытыппын өлеңінің авторы кім?

Қанипа Бұғыбаева — осы өлеңнің авторы.

Ұмытыппын өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Ұмытыппын өлеңі не туралы?

Бұл өлеңде Қанипа Бұғыбаева өз ойы мен сезімін көркем түрде жеткізеді.

Ұмытыппын өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері