Өлең, жыр, ақындар

Біз биікте тұрамыз

  • 16.09.2021
  • 0
  • 0
  • 806
Жетелейді жолы алға,
Әкем менен анамның.
Біз ғана тек оларға,
Бар асылы ғаламның.

Жібітеді таңдайын,
Еміреніп ұл-қызын.
Дейді бізге әрдайым:
Айым, Күнім, Жұлдызым.

Биікте олар расында,
Созсаң қолың жетер ме?
Аспандағы асылға,
Теңей ме екен бекерге?

Жылуы бар қуатты,
Жетер барша үйге тең.
Күндей болып шуақты,
Күлімдесін дейді екен.

Тұрғанда түн бүркеніп,
Тіршілікте күй бөтен...
Қараңғыға нұр төгіп,
Айдай толсын дейді екен.

Мейірімнің жоқ шегі,
Бірақ, көңіл кейде кем...
Жұлдыздай боп көктегі,
Жарқырасын дейді екен.

Тілектері ізгі енді,
Тау-тасты да иіткен.
Тұрады екен біздерді,
Көргісі кеп биіктен.



Пікірлер (0)

Пікір қалдырыңыз

Ерден неге кешікті

  • 0
  • 0

Сабағынан келгенде,
Ақша беріп Ерденге.
Апасы оны жұмсады,
Кешіксе егер ұрысады.

Толық

Әжемнің өзі бір мектеп

  • 0
  • 0

Жүзіне бүгін түсті әжім,
Ал, менің өңім тұр көктеп.
Алғашқы менің ұстазым –
Әжемнің өзі – бір мектеп.

Толық

Дәрігер

  • 0
  • 0

«Талап – тұлпар» демей ме?!
Алсын атын танып ел.
Есейгенде Медине,
Болам дейді дәрігер.

Толық

Қарап көріңіз