Алма Түсіпбекова

Сен болшы қасымды!

Қазақша өлең мәтіні, өлең жолдары және толық нұсқасы.

17.09.2021
0
0
1028

Мен оянғанда,
Әлем ғажап сәулеге боянғанда,
Жан-әлемім бір сәтке жасын сүртіп,
Мендік көңіл шаттыққа тоя алғанда,
СЕН БОЛШЫ ҚАСЫМДА!..
Мен қуанғанда,
Қолыма құламайтын ту алғанда,
Уақыттың жалына бір жармасып ап,
Бақыттың бағын қайта суарғанда,
СЕН БОЛШЫ ҚАСЫМДА!..
Мен күлген кезде,
Қуаныш қырын кезіп жүрген кезде,
Көңілдің азап-мұңын серпіп өтіп,
Өмірдің ғажаптығын білген кезде,
СЕН БОЛШЫ ҚАСЫМДА!..
... Мен мұңайғанда,
Көңілім қалған кезде күн-айдан да,
Мына әлем айырылып ақыл-естен,
Мына әлем айрылғанда шырайдан да,
СЕН БОЛШЫ ҚАСЫМДА!..
Мен... іздегенде,
Қайрылмай кетіп қалмай күз-кемеңде,
Тастамай уысына жалғыздықтың,
Жанымды көп жауратпай сыз дегенге,
СЕН БОЛШЫ ҚАСЫМДА!..

Алма Түсіпбекова сен болшы қасымды!.. Алма Түсіпбекова өлеңдері

Пікірлер (0)

Пікір қалдырыңыз

Жиі қойылатын сұрақтар