Өлең, жыр, ақындар

Тағдырым, саған не істедім?

  • 17.09.2021
  • 0
  • 0
  • 519
Тағдырым, саған не істедім?
Жазығым – жосып көшкенім.
Кішіріп үлкен алдында,
Кісіні сыйлап өскенім.
Тағдырым, саған не істедім?
«О, құдай, тоба!» – дескенім.
Қайырлап қалған кемедей
Қалдырып кеткен ескегін.
Тағдырым, саған не істедім?
Қанатының астында
Қайдағы бір бөспенің
Сүрініп кетсем – кешпедің.
Тағдырым, саған не істедім?
Кетірдің көркін кестенің.
Қатыны болды хас сұлу
Қайдағы кәрі кексенің.
Тағдырым, саған не істедім?
Түседі талай еске мұң.
Сыйлықты ғана мойындап,
Билікті ғана көкседім.
Тағдырым, саған не істедім?
Шеше алмай уақыт шекпенін.
Қапалы сәтін көп көрдім
Қабынып кеткен өкпенің.
Тағдырым, саған не істедім?
Бар менен жоқты екшедім.
Өзіңе ғана ырзамын
Өлгенім қайта тіріліп,
Жанып бір жатса өшкенім.
Болашағыма қол артып,
Өткеніме «қош» дедім.
Отырмын енді үңіліп,
Маржандай әрбір дәніне
Жазылған өлең – дестенің.
...Тағдырым, саған не істедім?



Пікірлер (0)

Пікір қалдырыңыз

Наурызға наз

  • 0
  • 0

Біз асқан асу, тау-құз көп,
Мерт қылып махаббатымды...
Жетпіс жыл бойы
«Наурыз» деп

Толық

Кемеңгерім – Кенекем!

  • 0
  • 0

Қамал бұзған қаһарман,
Абылайдан бата алған.
Қам жасаған қазағын
Қалдырмауға қатардан.

Толық

Адамға – адам...

  • 0
  • 0

Қара нанды жеп жүруші ек қақ бөліп,
Адамға адам бара жатыр жат болып.
Қарның ашса қараспайды қайрылып,
Жаяу қалсаң бере алмайды ат-көлік.

Толық

Қарап көріңіз