Өлең, жыр, ақындар

Тілек

  • 17.09.2021
  • 0
  • 0
  • 576
Қайнарым тұнық болса,
Қайғы-мұң ұмыт болса.
Әсемдік,
Әдемілік –
Әдет пен ғұрып болса.
Бақта гүл жасыл болса,
Айтқан сөз асыл болса.
Дүниені дүркіреткен
Дүр ғажап Ғасыр болса.
Аспаным ашық болса,
Жас жаным ғашық болса.
Жүректің жылғасына
Жыр-бұлақ тасып толса.
Тұрмысым сайлы болса,
Тірлігім тойлы болса.
Төрт түлік түгел өріп,
Төрт мезгіл жайлы болса –
Тілден бал тамызар ем,
Көзден жас ағызар ем,
Сөзден сел,
Көңілден шер
Шығарып –
Тыңдаушының
Таңдайын қақтыратын,
Үздігіп өліп кетпей,
Шыдамай, шақ тұратын –
Жазар ем
Нағыз Өлең!



Пікірлер (0)

Пікір қалдырыңыз

Соғыс туралы сөз

  • 0
  • 0

Соғыс деген мылтық емес атылған,
Бір сұмдықтың кілті де емес ашылған.
Соғыс мәңгі арпалысып келеді
Адам сонау пайда болған ғасырдан.

Толық

Жоғалған жүзік

  • 0
  • 0

Өндір жігіт
Өртенбей от ерінге,
Қимастықпен туған жер – мекенінде,
Мойнындағы міндетін ақтау үшін

Толық

Нұрхан

  • 0
  • 0

Нұрекем, сені айтқанда еңіредік,
Ажалға жан емес ең жеңілерлік.
Торғайда өзің басқан әр топырақ
Әманда жатады екен тебіреніп.

Толық

Қарап көріңіз