Өлең, жыр, ақындар

Ерке өзен

  • 17.09.2021
  • 0
  • 0
  • 635
Еркелейсің, Есілім,
Еркелейсің сен маған.
Еркелесең несі мін,
Еркелеткен кең далам.
Жан жүйемді козғаған,
Жалын атқан сөз бе едің?!
Еркелесең – өз далаң,
Еркелесең – өз жерің.
Айналайын халқымнан
Айдыныңа бас ұрған.
Ағыл-тегіл алтын дән
Ағыныңа қосылған.
Кім қарамас Есілге
Сүйіп, жанып, өртенбей?!
Сарыарқаның төсінде
Сағындырған еркемдей.
Мен бір толқын Торғайдан
Ағып барып қосылған.
Бар байлықты шалғайдан
Алып барып қосылған.
Көп өрнекті мен көрдім,
Кесте салған жеріме.
Есіл сол бір ерлердің
Есіл кеткен тері ме?
Бал суыңды татқан соң,
Балаң саған жеткен де.
Есіле ағып жеткен соң,
Есіл атап кеткен бе?



Пікірлер (0)

Пікір қалдырыңыз

Жапа шеккен бір теңіз айдалада

  • 0
  • 0

Жапа шеккен бір теңіз айдалада,
Кейістікті әкелер кейде адамға.
Айықпайтын бір дертке айналдың ба,
Емі-домы табылмас – бейдауаға!

Толық

Жиырма жас

  • 0
  • 0

Сан арман, сар арпалыс үмітпенен,
Кеудемде мөлдірліктен тұныпты өлең,
Жылғада жүгірген бір бұлақтай боп,
Жиырмаға шықтым, міне, жігітпін мен!

Толық

Жүсіпбек

  • 0
  • 0

Қара халық құшағында ержеткен,
Қара сөздің ақ бесігін тербеткен.
Арпалысып,
һәм қарысып өтіпті,

Толық

Қарап көріңіз