Өлең, жыр, ақындар

Әйел сүйсе...

  • 18.09.2021
  • 0
  • 0
  • 637
Таңдайына бал ғана татып тұрған,
Жанарына мұң емес, жақұт тұнған.
Әйел сені сүймесін,
Әйел сүйсе –
Әлемдегі өзіңсің бақытты жан.
Шын тұлпарлар танытпас желісте мін,
Бұл сөзімді шығарар теріске кім?!
Әйел сені сүймесін,
Әйел сүйсе –
Әлемдегі өзісің періштенің.
Шама-мұрша келтірмей суысуға,
Күй толады кеудеңнің қуысында.
Әйел сені сүймесін,
Әйел сүйсе –
Мәңгілікке қалғаның уысында.
Ғашық көңіл малтығып құса-мұңға,
Атың қалып қиссаның мысалында...
Әйел сені сүймесін,
Әйел сүйсе –
Онда сенің өлгенің құшағында.
Мағырыптың қылтиып қырдан күні,
Себелейді сеңгірдің нұр жаңбыры...
Әйел сені сүймесін,
Әйел сүйсе –
Махаббаттың
Сен адал құрбандығы!



Пікірлер (0)

Пікір қалдырыңыз

Ақжайық – ару

  • 0
  • 0

Зулаған кең далада кер киігі,
Шынында,сен шығарсың –
Жер биігі.
Шыжғырып дала төсін тастаған-ау

Толық

Өлең де бір

  • 0
  • 0

Өлең де бір
Қымыз сияқты
Қанша жұтсаң тамсантқан,
Өлең де бір қыз сияқты

Толық

Барлыхан

  • 0
  • 0

Елуінші жыл еді… Ерте көктем,
Емес тағдыр біздерді еркелеткен.
Кеше біткен соғыстың кегі ме екен,
Лебі ме екен кеудені өртеп өткен.

Толық

Қарап көріңіз