Серік Тұрғынбеков

Не десең де мақұлмын

Бұл бетте «Не десең де мақұлмын» атты Серік Тұрғынбеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

18.09.2021
0
0
605

Не десең де мақұлмын,
Айналайын ақылдым.
Сен жоқ жерде – пақырмын,
Сен бар жерде – батырмын.
Шақпақ тастай жарқылдап,
Шабытымды шақырдым.
Әруағы арқамның,
Ардақтысы ақынның.
Асылы да нәсілі
Астымдағы атымның.
Махаббаттың жібімен
Саған ғана шатылдым.
Қуанғаныңда күлімдеп,
Қиналғаныңда «аһ» ұрдым.
Шырайлансаң шаттанып,
Мұңайғанда қапылдым.
Аспандағы Ай болсаң
Айығам деп дертімнен
Саған қарай атылдым.
Айтып-айтпай не керек:
Ақырына келгенде
Аяғыңа жығылып,
Мәрт боп келген басыммен
Мерт боп енді жатырмын!

Серік Тұрғынбеков не десең де мақұлмын Серік Тұрғынбеков өлеңдері

Пікірлер (0)

Пікір қалдырыңыз

Жиі қойылатын сұрақтар