Өлең, жыр, ақындар

Жалғыз арша

  • 18.09.2021
  • 0
  • 0
  • 503
Қарқаралы басында жалғыз арша,
Жалғыз арша, шіркін-ай, мәңгі қалса!
Мәңгі қалса Мәдидің әуеніндей,
Әуеніндей әсерлі жан қуанса.
Жалғыз қалсам саламын сол бір әнге,
Әннен басқа артыма қалдырам не?
Сыр айтатын сен бе едің, Қарқаралы,
Сыр айтатын «Шайтанкөл» болды ма әлде?!
Жалғыз арша...
Жалғыздық жалықтырмас,
Ғасыр сырлас,
Өзіңмен халық құрдас.
Қара тасты қақ жарып шыққан арша,
Қалай ғана от болып жанып тұрмас.
Көп болған соң өзіңе жау да, сірә,
Кеттің бе екен өрмелеп тау басына.
Сол арада тұрақтап қалдың ба екен,
Көнбеймін деп ездердің саудасына.
Жалғыздыққа жау да көп,
Уайым көп,
Бірақ, сенің сынатын сыңайың жоқ,
Тау басына шығандап кеттің бе екен,
«Не де болса биіктен құлайын!» – деп.



Пікірлер (0)

Пікір қалдырыңыз

О басында батыр туған ел едік

  • 0
  • 0

О басында батыр туған ел едік,
Қар асаған, мұз мүжіген, жел еміп!
Көшіп жүрген құм-теңіздің үстінде
Талай ғасыр түйелерді кеме ғып...

Толық

Жайлау жыры

  • 0
  • 0

Жамылса көк пүлішін анау қырлар,
Бұл күні көмей түгіл, танау жырлар.
Сапырылған сары қымыз сарынымен
Жай ғана әндетеді самаурындар.

Толық

Мен қалай «шала қазақ» атандым?

  • 0
  • 0

Бейбіт елде болмаса да қатал күн,
Бейқам жүріп «шала қазақ» атандым.
Арғы тегін анық білмей атамның,
Ар-намыссыз «шала қазақ» атандым.

Толық

Қарап көріңіз