Өлең, жыр, ақындар

Құшағыңды аш, Қызылорда!

  • 18.09.2021
  • 0
  • 0
  • 789
Құштар көңіл ұлың келді,
Құшағыңды аш, Қызылорда!
Сен жасырма сырыңды енді,
Өткен жылдар ізі бар ма?
Өткен жылдар,
Өткен күндер
Батыра ма бүгін де ойға.
Өтіп кетпей өкпек желдей,
Сыр айта ма, сыбырлай ма?
Кезің болса есең кеткен,
Толтыруын тілейді елің.
Жыр жаңбырын нөсерлеткен
Қайда Сырдың сүлейлері?
Жұмбақ өмір – өткенімен
Жоғалған көл, шөккен қала.
Жақаевтың кетпенімен
Жайнап, түлеп кеткен дала.
Тарихыңды тыңдатасың,
Бір сыбаға тартайын мен.
Бүгін тағы тіл қатасың
Тұрмағамбет, Нартайыңмен.
Жасырыпты-ау жүзін ол да,
Асқақ едің Асқарыңмен.
Құшағыңды аш, Қызылорда,
Сырласайын жас-кәріңмен...



Пікірлер (0)

Пікір қалдырыңыз

Қар жауды да

  • 0
  • 0

Қар жауды да,
Қыс болды бір-ақ күнде.
Жаз дегенің жоғалды жырақ мүлде.
Көктемнің де төбесін көрсетпеді,

Толық

Таулар

  • 0
  • 0

Секілді осы арада
Барлық тау, барлық орман.
Астау көл, асау арна
Асқан жер Талдықорған.

Толық

Қабағына мұз қатқан

  • 0
  • 0

Қабағына мұз қатқан
Қарайды тау түнеріп.
Хабар болмай біз жақтан,
Көзіне жас тіреліп.

Толық

Қарап көріңіз