Өлең, жыр, ақындар

Сіңлісі Сараның

  • 18.09.2021
  • 0
  • 0
  • 751
Сен шығарсың шынында
Бір сіңлісі Сараның.
Естілмеген ғұмырда
Тәтті жырың,
Бал әнің.
Балапандай қайта ұшқан,
Біржан салмен айтысқан
Сара болып шығу да
Оңай емес, қарағым.
Сара кім?!
Хабаршысы жаңаның,
Қарлығашы даланың.
Үздік шыққан ақын ол,
Жырдың тауып амалын.
Бұзып шыққан батыр ол
Қараңғылық қамалын.
Бірақ... бірақ бұл күнде
Білдің бе?
Тұрысбек жоқ ту сырттан
Ашып тұрған аранын.
Дұрыстап қақ сондықтан
Домбыраңның шанағын.
Сара болсаң сен-дағы
Аспан, жерді шарлап өт.
Артта қалып шаңдағы
Хас тұлпардай парлап өт.
Асу белдер жолда көп...
Ашылсын деп ойласаң
Жырдың бағы – жан бағы,
Ақ сәуледей таңдағы
Біржан сынды Сараға
Салғыласар сал керек.
Аққу мойның созасың
Сондай адам бар ма деп...
Сен шығарсың, саналым,
Бір сіңлісі Сараның.
Тербеп-тербеп кел онда
Жырдың өңшең дарағын.
Сермеп-сермеп кел онда
Сөздің семсер жарағын.
Текке жұтып жүргем жоқ
Жетісудың самалын.
Бұзылмаған ырғағы,
Бүгінгінің Біржаны
Мен боламын, қарағым,
Айтылған жоқ бар әнім.
Ынтық қылып өзіңе,
Өртесе де жанарың...



Пікірлер (0)

Пікір қалдырыңыз

Сортаңын әсте сүймеген самал сона жыл

  • 0
  • 0

Сортаңын әсте сүймеген самал сона жыл,
Тамағы талай құрғақсыған қара адыр.
Жалтаңы жайдақ жабағы жамбас дала бұл,
Далиып жатып жимаған жыртық балағын.

Толық

Арша

  • 0
  • 0

Құм мен тастың арасын жарып шыққан,
Айналайын дәл сендей жарықтықтан.
Бай да ұққан сырыңды, батыр да ұққан,
Ауру-сырқау, мүсәпір, ғаріп те ұққан.

Толық

Құс базары

  • 0
  • 0

Жібек желін жаз үрлеп,
Бір басылып, бір тынып...
Көлден ұшқан қаз-үйрек
Айрылады жыртылып.

Толық

Қарап көріңіз