Өлең, жыр, ақындар

Осында қалған келмеске кеткен күндерiм

  • 20.09.2021
  • 0
  • 0
  • 767
Сәби болғым келедi...
Мұқағали

Осында қалған келмеске кеткен күндерiм,
Жұлдыздар аққан, нұр шашқан айлы түндерiм.
Қиялмен ғана оралатыным өткенге,
Жан жүрегiмдi ауыртып қазiр жүр менiң.
Осында қалған алаңсыз күлкi, балғын шақ,
Ұмыттыра алса, шөп жина сосын шалғын шап.
Жүзiңе тура қарай алмайтын, несi айып,
Баяғы ұяң қара көз қызды жар қылсақ.
Алаңсыз кезге оралсам шiркiн бiр күнге,
Ақ бұлағыңмен жарысар сәби күлкiм де.
Олай болуы алайда оның мүмкiн бе,
Сәби қалпыма келсем-ау шiркiн бiр күнге.
Оралсам шiркiн арылып бiр сәт мұңымнан,
Жүгiрiп түссем құлдыраң қағып қырыңнан.
Тартып ойнаған бала боп тентек бұрымнан,
...Көрiнiп тұрса барлығы соның жырымнан.
Тартып ойнаған бала боп кетсем бұрымнан,
Шапқылап жүрген аумайтын анау құлыннан.
Он беске әлi толмаған сол бiр аруға,
Қызғалдақтарды сыйласам жаңа жұлынған.
Осында қалған келмеске кеткен күндерiм,
Жұлдыздар аққан, нұр шашқан айлы түндерiм.
Қиялмен ғана орала аларым өткенге,
Жан жүрегiмдi ауыртып қазiр жүр менiң.



Пікірлер (0)

Пікір қалдырыңыз

Жайнайтын жазда гүлi мен белесi талдан

  • 0
  • 0

Жайнайтын жазда гүлi мен белесi талдан,
Өлкеде мына қалқамның елесi қалған.
Бұл пәни менi қоспады сол қызыменен,
Қосады сөзсiз бар болса келесi жалған.

Толық

Түркiстан ием

  • 0
  • 0

Түркiстан ием,
тарихы түпсiз тереңiм,
Айдындарыңа аққулар қонған ел едiң.
Он сегiздерге

Толық

Шымкенттен «Отырар» жүргелі тұр

  • 0
  • 0

Қоштасар сәтте
махаббат жырын жырлаңдар,
Сөздер мен көзде қаншама нәзiк сырлар бар.
Қауышар қашан,

Толық

Қарап көріңіз