Жапырақ жауған сары күз

Ақ қағазға түсіріп сырын сыйған,
Қалай ғана туған ел қырын қиғам.
Жапырақ жауған сары күз сәуле шашып,
Жабырқаған жаныма нұрын құйған.
Қайран сол бір
гүл шашқан көктемдерім,
Жастық дәурен қимас шақ, өткендерім.
Сартапты сағыныштан бұл жылдары,
Күзге айналып жүрегім кеткен менің.
Жапырақ кешкем, аяулы елігіммен,
Алмастырды уақыт сені кіммен.
Қоштасқан күн,
бәрі де кеткенменен,
Кетпей қалды сары күз көңілімнен.