Өлең, жыр, ақындар

Бейiттерге қонды тағы кептерлер

  • 21.09.2021
  • 0
  • 0
  • 502
Бейiттерге қонды тағы кептерлер,
Кептерлерiм,
алысқа ұшып кетпеңдер.
Төмпешiктер деп қарама жай ғана,
Бұның бәрi кеше өмiрден өткендер,
Айналайын кептерлер.
Мәңгiлiкке осында орын тепкендер,
Тылсым сырды сезгендей ме кептерлер.
Кептерлерге мұң шаққандай көрiндi,
Алуан адам талай келiп кеткен жер.
Бейiттердi аяқ асты етпеңдер,
Моншақ көздi үрiкпейдi кептерлер.
Дәм-тұз бiтсе бiз де барар орын ғой,
Бал өмiрдi қимай-қимай өткендер.
Сан айналар, шыр айналар көк пен жер,
Бiздер әлi кездесемiз,
кетпеңдер.
Бұл бейiтте жатыр жақсы адамдар,
Қоштасайық, қош болыңдар, кептерлер.
Қоштастым мен жанарымнан жас парлап,
Дүние-дәурен,
басымыздан қашқан бақ.
Бейiт қорып жүрген нәзiк құстарым,
Бiрте-бiрте бара жатты аспандап.



Пікірлер (0)

Пікір қалдырыңыз

Дала да үнсiз, сен де үнсiз тұрдың-ау

  • 0
  • 0

Дала да үнсiз, сен де үнсiз тұрдың-ау,
Мендей сенi сүйер ме екен қыр мынау.
Алаш та жоқ қара көздi қарғам-ай,
Есiмдi алдың мiнезiңмен мұңдылау.

Толық

Өмірбаян орнына жазылған өлең

  • 0
  • 0

Тамыздың туылыппын төртiнде мен,
Сырым көп сендерге әлi шертiлмеген.
Қолды сiлтеп кетiп ем барлығына,
Қайтадан Алматыға келтiрдi өлең.

Толық

Дүние

  • 0
  • 0

Дүние қызыл-жасылды,
Сан ұрпақ саған бас ұрды.
Толқын да толқын қазақтың,
Топырақ жүзiн жасырды.

Толық

Қарап көріңіз