Өлең, жыр, ақындар

Туған жерден iздеп келген Айнұрдың

  • 21.09.2021
  • 0
  • 0
  • 408
Туған жерден iздеп келген Айнұрдың,
Айдай сұлу жүзiн көрiп қайғырдым.
Жас аруды
қара өлеңге қимадым,
Жолдарында қалар екен қай жырдың.
Арпалыспен өткен асау тағдырым,
Алматының көшесiнде қаңғыдым.
Сағындым мен
Түркiстанның сол қызын,
Сағындым мен Бабайқорған жаңбырын.
Жырға ғашық қыратта өскен елiктiң,
Көздерiнен сәулелi ойлар көрiппiн.
Қалған ғұмыр
сол суреттi жырлайды,
Ләйладайын асыл туған көрiктiм.
Бiр күн тәттi,
өтiп жатқан бiр күннен,
Сол қызды ойлап алыс жақта жүрдiм мен.
Қырық жамау
жүрегiммен,
қалқам-ау,
Ең соңғы рет ғашық болып тұрмын мен.



Пікірлер (0)

Пікір қалдырыңыз

Өткiзе алмай

  • 0
  • 0

Өткiзе алмай
қор ғып жүрген өмiрiн,
Бiреулерге жiбiмейдi көңiлiм.
Бес-алты ауыз сөз қалсын деп соңымда,

Толық

Мәңгі серік мұң-нала

  • 0
  • 0

Қазақ, қазақ дегенмен,
Сан қашырды-ау ұйқымды.
Құс ұшырып төбемнен,
Өзiмiздi жұбаттық,

Толық

Өзiң жайлы ойлаймын бүгiнде мен

  • 0
  • 0

Өзiң жайлы ойлаймын бүгiнде мен,
Жабықсам да өмiрден, түңiлмегем.
Бар өмiрiм тұрады сағыныштан,
Ғашық жандар жоқ шығар сүрiнбеген.

Толық

Қарап көріңіз