Өлең, жыр, ақындар

Тер болып киген сырт көйлек

  • 22.09.2021
  • 0
  • 0
  • 473
Тер болып киген сырт көйлек,
Тербеліп көңіл – көк орман,
Ай туар шақта сүттей боп,
Айтылар шақта көп арман;
Түндіктер түгел жабылып,
Ошақтың оты сөнгенде,
Шыдатпай жүрек жабығып,
Шыққанда жырға серуенге;
Шабыттың жүзін қабарған,
Көншітпей жатса шық басып,
Құса боп көптен қамалған,
Кеудемнен, ойлар, шық қашып!
Қашыңдар түпсіз тереңге,
Болмаса тауға, ти тасқа.
Өрт болып сабан өлеңге,
Қауқарсыз қауыз ұйқасқа.
Қашыңдар тіпті қиянға,
Жондарға бөкен жортпаған.
Айтыңдар көңіл қиялға
Перінің қызын жоқтаған.
Қашыңдар қара түндерге,
Тауларды көзден ұрлаған.
Тамыңдар шешен тілдерге,
Тамыза майын жырлаған.
Шақырған жын мен сайтанды,
Сабырсыз жанды сүймеңдер.
Салдақы мен сайқалды
Шашынан алып сүйреңдер.
Жөніне кетсін сұм біткен,
Жақсыда қандай құны бар?
Дүниеде мынау дүрліккен
Дертіңді сенің кім ұғар?
Сезімім сеңдей сенделді,
Досым бар, қанша қасым бар.
Жұбата алмасам сендерді,
Менен де аулақ қашыңдар.

1971



Пікірлер (0)

Пікір қалдырыңыз

Әлқисса

  • 0
  • 0

Басынан көне тарих төмен құлдап,
Тағдырын туған елдің келем жырлап.
Өзегім талып жеткен Тәуелсіздік,
Өмірде не бар екен сенен қымбат!?

Толық

Бай баласына

  • 0
  • 0

Сенің әкең мансапты,
Менің әкем малсақ­ты.
Сенде сарай он шақты,
Менде саулық он шақты.

Толық

Бесік жыры

  • 0
  • 1

Адамның еске түссе есіл күні,
Есіне түседі екен бесік жыры.
Жадымнан оқта-текте шығып кетсе,
Анашым, айналайын, кешір мұны.

Толық

Қарап көріңіз

Басқа да жазбалар

Пікірлер