Өлең, жыр, ақындар

Құлпырғанмен кең жаһан

  • 26.09.2021
  • 0
  • 0
  • 512
Құлпырғанмен кең жаһанның жамыраған гүл бағы,
Шешілер ме түйінделген шым­шытырық жұмбағы?
Сәби ғұмыр өксігіне құлақ түрмес көк аспан,
Жұбатпаса жылағанды қара жердің құндағы.
Шыңырауға шын батырса қараңғылық зынданы –
Көлеңкенің қоюланып, қас қарайып тынғаны.
Түн күзеткен періштенің кірпігінің талғаны –
Таң сарғая жұлдыздардың көзін ашып­жұмғаны.
Тыным алған тіршіліктің төсегінен тұрғаны –
Айғай­шудан құдіреттің құлағының тұнғаны.
Күн мен түннің шұғыласына алма­кезек шомылған
Жан иесі байыз таппас байланғанша тіл­жағы.
Бөлемесе рахатқа бейіш нұры ондағы,
Зая кетер Жаратқанға жалынғаның мұндағы.
Пешенеңе жазылмаса Алла разы қылмағы,
Күнің қараң қурап ұшқан жапырақтай жылдағы.
Гүл қайғырмас үлбіреген көбелектің қанатын
Жұлып түссе қызыл тікен – қызғаныштың тырнағы.
Шөлдегенін елең қылмас сексеуілдің құмдағы,
Қысы­жазы жайнап тұрған жасыл шырша шыңдағы.
Тиянақсыз дүниенің түпсіз сыры таусылмас,
Соза берсем сүріндірмес сүрлеуге сап жырдағы.
Оянбаса ұйқыдағы ғасырлардың мұң­зары,
Шыға қоймас шіріп қалған дәруіштің құмғаны.
Шыңылдайды шыңырауда шөгіп жатқан қара тас,
Қасиетті атақоныс күңіренсе қырдағы...



Пікірлер (0)

Пікір қалдырыңыз

Болсам да алтын дәрия...

  • 0
  • 0

Болғанша тақыс пенде сауда баққан,
Қос қолға қысқа жіпті саумалатқан,
Пәнидің азабынан мойным босап,
Бұлаққа айналсам­ау таудан аққан.

Толық

Кел, жылым!

  • 0
  • 0

Кел, жылым, керуенімді басқартамын,
Жаңғыртып дәуірімнің асқар тауын.
Алдыңа қуаныштан шашу шашам,
Жаюлы менің миллиард – дастарқаным,

Толық

Қайран дүние

  • 0
  • 0

Түлкідей бұлаңдаған,
Сұлудай сылаңдаған,
Қайтейін, қайран дүние,
Аялдап тұра алмаған.

Толық

Қарап көріңіз