Несіпбек Айтұлы

Ән-домбыра

Бұл бетте «Ән-домбыра» атты Несіпбек Айтұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

18.10.2021
0
0
9408

Саған ғана жан сырымды ашайын,
Саған ғана маржанымды шашайын.
Қосыл кәне әуеніме, домбыра,
Қоңыр кеште қоңыр әнге басайын.

Қайырмасы:
Ән-домбыра,
Жан-домбыра.
Балқытшы бір жанымды.
Жезтаңдайым,
Бозторғайым,
Тамылжытшы әніңді.

Бір өзіңде дала менен тау үні,
Бір өзіңде ғасырлардың дауылы.
Сен сөйлесең тебіреніп, толғанып,
Қара жердің елжірейді бауыры.

Қайырмасы.

Жыр-домбыра,
Сыр-домбыра,
Жаралғансың бағыма.
Тіл білгішім,
Бұлбұл құсым,
Сайрашы бір тағы да.

Сал домбыра, жан серігім жасымнан,
Сен қымбатсың жердегі бар асылдан.
Бабалардың аманатын арқалап,
Жеттің маған сонау алыс ғасырдан.

Қайырмасы.
Күй-домбыра,
Би-домбыра,
Бүлкілдесін көмейің.
Көңіл сазым,
Қоңыз қазым,
Енді саған не дейін!?

Несіпбек Айтұлы ән-домбыра Несіпбек Айтұлы өлеңдері

Пікірлер (0)

Пікір қалдырыңыз

Жиі қойылатын сұрақтар