Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Ауыл кеші

Несіпбек Айтұлы

Ауыл кеші

  • 21.10.2021
  • 0
  • 0
  • 754
Кеші қандай ауылды думандатқан,
Төсі қандай даланың жырлап жатқан.
Мамыр, Баян, Қыз Жібек – бәрі осында,
Мың бұралып үкісін бұлғаңдатқан.

Қайырмасы:
Ей, ауылым, ауылым,
Айналайын, бауырым.
Сырнайлатқан,
Нұр жайнатқан,
Тарқамасын сауығың!

Жарасымды жастардың сырласындай,
Жүрек назын шертеді гүл жасырмай.
Қозы Көрпеш, Төлеген, Қалқаманы –
Шаңырақтың шайқалмас тұлғасындай.

Қайырмасы.

Дархандық пен даналық дастанындай,
Дастарханы – береке бастауындай,
Тамылжыған әр кеші әнге толы,
Аспан бар ма ауылдың аспанындай?!

Қайырмасы.

Несіпбек Айтұлы ауыл кеші Несіпбек Айтұлы өлеңдері

Пікірлер (0)

Пікір қалдырыңыз

Сұңқар ақын

  • 0
  • 0

Жырлары ғасырларға жалғасатын,
Тудырған ақындарды ел жасасын!
Жасыңнан поэзия аспанында
Жасындай жарқылдады Олжас атың!

Толық

Бой сала биіктейді

  • 0
  • 0

Әркім де өрмелейді тауға қарай,
Тізгінін ұстата ма арман оңай?
Шығатын өздігінен өрге кім бар,
Қарманып, әр бұтадан саумаламай?

Толық

Дүние елесі

  • 0
  • 0

Қатер күтіп қалтыраған сарайынан патшаның,
Тыныштығы тоналмаған қосың артық шап­шағын.
Жер жыртығын жамайтұғын жезтырнақтан тусаң да,
Сау қалмайды салған басың саудасына ақшаның.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер