Өлең, жыр, ақындар

Жанар

  • 05.09.2018
  • 0
  • 0
  • 4339
Өзіңсіз талай таң атты,
Көктем, жаз гүлмен қаратты.
Талайдың дәмін тауысып,
Талайды тәңір жаратты.
Бәйшешек жайнап қырларда,
Жазылды жауһар жырлар да.
Тек өзің жоқсың, аяулым,
Сүрінбес сансыз сындарда.
Қайғымды тағдыр тыңдар ма?
Бақытын байлап бұлдарға.
Өзіңсіз өтті талай күз,
Табылмай дауа мұңдарға.
Қызарып қыздай күн батты,
Жасырып сырын түн жатты.
Аққулар әнін салғанда,
Қайыңдар күлді сымбатты.
Қызығын көрмей жалғанның,
Қалдырып артта арманды.
Он алты жаста көз жұмдың,
Қайғыға бөлеп бар маңды.
Үмітің өлді дір еткен,
Айрылып біздер тіректен.
Ажалға етер шара жоқ,
Сағыныш қана жүректе...



Пікірлер (0)

Пікір қалдырыңыз

Жанымның азабы азайып

  • 0
  • 0

Жанымның азабы азайып,
Тәнімнің сырқаты басынды.
Тірліктен табылмай ғажайып
Ой емес, дерт жеді басымды.

Толық

Оқыма жырды зар тұнған

  • 0
  • 0

Оқыма жырды зар тұнған,
Енді өлең жазбан антұрған.
Тәрк етем бәрін, тек қана,
Шабытты қайтем шарқ ұрған?

Толық

Сенсіз өткен күндерімнен безіндім

  • 0
  • 0

Сенсіз өткен күндерімнен безіндім,
Түндерімнің...
Тақсіретін сезіндім.
Асау да асқақ адайдың бір қызы едім,

Толық

Қарап көріңіз