Мамыр дала

Мақпалдай желі майда мамыр далам,
Қазақта кім бар сені сағынбаған?
Шалқытып көк аспанның аясында,
Өзіңді сыйға тартқан Тәңір маған.

Қайырмасы:
Көңілімнің шуағысың,
Көзімнің шырағысың.
Өзіңсің таусылмайтын қуанышым,
Байтағым, барым сенсің маңдайдағы!

Кең дала, көкжиегі тарылмаған,
Армансыз арғымағы арындаған.
Мен сенің бозторғайың емес пе едім,
Үстінде боз жусанның дамылдаған.

Қайырмасы.